Pranimi

Aplikimet 2025-2026 - Raundi 3

🎬 Aplikoni për 𝐤𝐨𝐧𝐤𝐮𝐫𝐬𝐢𝐧 𝐞 𝐩𝐫𝐚𝐧𝐢𝐦𝐢𝐭 në Akademinë e Filmit dhe Multimedias Marubi për programin e studimit 𝐁𝐚𝐜𝐡𝐞𝐥𝐨𝐫 𝐧𝐞̈ 𝐅𝐢𝐥𝐦 𝐝𝐡𝐞 𝐌𝐞𝐝𝐢𝐚.

Sipas urdhrit i përbashkët ndërmjet Qendrës së Shërbimeve Arsimore dhe Qendrës Ndërinstitucionale të Rrjetit Akademik Shqiptar, nr. 157 dt 3.6.2025, kandidatët që nuk kanë aplikuar në raundin 1 apo raundin 2, duhet të kryejnë pagesën e tarifës së aplikimit pranë zyrave të postës Shqiptare, në vlerën 2.000 Lek (dy mijë), deri me datë 24 Tetor.

Nga data 13 deri me 24 Tetor, aplikohet në sekretarinë e Akademisë së Filmit dhe Multimedias Marubi. Konkursi do zhvillohet brenda datës 24 Tetor.

Kujdes! Vetëm aplikantët brenda platformës UAlbania lejohen të marrin pjesë në konkurs.

Për më shumë, ju mirëpresim në ambientet tona në Kinostudio ! Nxitoni, viti akademik ka filluar !

#filmstudent #filmschool #cinema #studentfilmi #televizion #shqipëria #matura2025 #maturanti #maturantet #maturashteterore2025 #shqiperia #studentikinematografisë #afm_marubi #akademiamarubi #kinostudio #edukimipërmeskulturës #tiranë #tirane

Lista e fituesve në raundin e dytë 2025-2026

Publikohet lista e fituesve në konkursin e raundit të dytë të aplikimeve, për programin Bachelor në Film dhe Media pranë Akademisë së Filmit dhe Multimedias Marubi: Rezultatet Konkurs pranime 2025_R2

Në datat 29 shtator deri 8 tetor 2025 sipas urdhrit nr. 157 dt 3.6.25 të QSHA dhe QNRRASH, kandidatët, të cilët kanë kryer procesin e aplikimit në raundin e dytë dhe janë shpallur fitues, mund të kryejnë procesin e regjistrimit, duke paraqitur dokumentacionin
përkatës, në sekretarinë e Akademisë së Filmit dhe Multimedias Marubi, nga e hëna në të premte, ora 08:30 – 15:00.

Kandidatët dorëzojnë personalisht ose nëpërmjet përfaqësuesit të autorizuar me prokure nga ana e tyre, dokumentacionin e mëposhtëm:
a) kopje e dokumentit të identifikimit;
b) kopje të njehsuar me origjinalin të diplomës së matures shtetërore/dëftesës së pjekurisë ose të një diplome studimi të fituar jashtë vendit dhe të njehsuar nga QSHA, së bashku me certifikatën përkatëse të notave;
c) deklaratën e cila plotësohet nga kandidati ne prani të punonjësit të sekretarisë mësimore dhe që nënshkruhet prej tyre.
d) formulari i aplikimit sipas shtojcës nr. 2 (në sekretarinë mësimore).

Lista e aplikanteve në raundin e dytë 2025-2026

Publikohet lista e aplikanteve në raundin e dytë, në programin Bachelor në Film dhe Media pranë Akademisë së Filmit dhe Multimedias Marubi.

Lista e përditësuar me datë 24 Shtator 2025: A2_Film_dhe_Media_Film_dhe_Media-R2-Lista e Aplikantëve-web2

Regjistrimi i konkurrentëve për konkursin e pranimit bëhet pranë sekretarisë mësimore më datë 24 Shtator 2025, ora 08:30.

Pagesa e regjistrimit për konkurrim : 5.000 Leke.

Konkursi do të zhvillohet po atë ditë, të mërkurën 24 Shtator 2025, nga ora 09:00 në Akademinë Marubi.

Kujdes! Vetëm aplikantët brenda platformës UAlbania lejohen të marrin pjesë në konkurs.

Kalendari i aplikimeve 2025-2026 publikuar nga Ministria përgjegjëse për Arsimin e Lartë mund ta konsultoni këtu: kalendari i aplikimit universitar 2025

Për më shumë, ju mirëpresim në ambientet tona në Kinostudio !

Aplikimet 2025-2026 - Raundi 2

Sipas urdhrit i përbashkët ndërmjet Qendrës së Shërbimeve Arsimore dhe Qendrës Ndërinstitucionale të Rrjetit Akademik Shqiptar, nr. 157 dt 3.6.2025, kandidatët duhet të kryejnë pagesën e tarifës së aplikimit pranë zyrave të postës Shqiptare, në vlerën 2.000 Lek (dy mijë), deri me datë 19 Shtator.

Nga data 20 deri me 22 Shtator, aplikohet në platformën UAlbania duke zgjedhur programin e Filmit dhe Medias të Akademisë së Filmit dhe Multimedias Marubi.

Lista e kandidatët për Raundin e Dytë do të publikohet në datë 23 Shtator. Konkursi do të zhvillohet me datë 24 Shtator 2025.

Kujdes! Vetëm aplikantët brenda platformës UAlbania lejohen të marrin pjesë në konkurs.

Kalendari i aplikimeve 2025-2026 publikuar nga Ministria përgjegjëse për Arsimin e Lartë mund ta konsultoni këtu: kalendari i aplikimit universitar 2025

Për më shumë, ju mirëpresim në ambientet tona në Kinostudio !

Lista e fituesve në raundin e parë 2025-2026

Publikohet lista e fituesve në konkursin e raundit të parë të aplikimeve, për programin Bachelor në Film dhe Media pranë Akademisë së Filmit dhe Multimedias Marubi: Rezultatet e konkursit te Raundit 1 22 Gusht 2025

Në datat 29 gusht deri 11 shtator 2025 sipas urdhrit nr. 157 dt 3.6.25 të QSHA dhe QNRRASH, kandidatët, të cilët kanë kryer procesin e aplikimit në raundin e parë dhe janë shpallur fitues, mund të kryejnë procesin e regjistrimit, duke paraqitur dokumentacionin
përkatës, në sekretarinë e Akademisë së Filmit dhe Multimedias Marubi, nga e hëna në të premte, ora 09:00 – 15:00.

Lista e aplikanteve në raundin e parë 2025-2026

Publikohet lista e aplikanteve në raundin e parë, në programin Bachelor në Film dhe Media pranë Akademisë së Filmit dhe Multimedias Marubi: AFMM Bachelor në Film dhe Media – R1-Lista e Aplikantëve-web

Regjistrimi i konkurrentëve për konkursin e pranimit bëhet pranë sekretarisë mësimore duke nisur nga data 6 Gusht e deri më datë 21 Gusht 2025, nga e hëna në të premte, ora 08:00 – 16:00. Pagesa e regjistrimit për konkurrim : 5.000 Leke.

Konkursi do të zhvillohet të premten 22 Gusht 2025, nga ora 09:00 në Akademinë Marubi.

Kujdes! Vetëm aplikantët brenda platformës UAlbania lejohen të marrin pjesë në konkurs.

Kalendari i aplikimeve 2025-2026 publikuar nga Ministria përgjegjëse për Arsimin e Lartë mund ta konsultoni këtu: kalendari i aplikimit universitar 2025

Për më shumë, ju mirëpresim në ambientet tona në Kinostudio !

Aplikimet 2025-2026

Sipas urdhrit i përbashkët ndërmjet Qendrës së Shërbimeve Arsimore dhe Qendrës Ndërinstitucionale të Rrjetit Akademik Shqiptar, nr. 157 dt 3.6.2025, kandidatët duhet të kryejnë pagesën e tarifës së aplikimit pranë zyrave të postës Shqiptare, në vlerën 2.000 Lek (dy mijë), deri me datë 28 Korrik.

Nga data 29 Korrik deri me 3 Gusht, aplikohet në platformën UAlbania duke zgjedhur programin e Filmit dhe Medias të Akademisë së Filmit dhe Multimedias Marubi.

Lista e kandidatët për Raundin e Parë do të publikohet në datë 7 Gusht. Konkursi do të zhvillohet javën e 20 Gushtit 2025.

Kujdes! Vetëm aplikantët brenda platformës UAlbania lejohen të marrin pjesë në konkurs.

Kalendari i aplikimeve 2025-2026 publikuar nga Ministria përgjegjëse për Arsimin e Lartë mund ta konsultoni këtu: kalendari i aplikimit universitar 2025

Për më shumë, ju mirëpresim në ambientet tona në Kinostudio !

Për kandidatët nga trojet

Për kandidatët nga Republika e Kosovës, me origjinë shqiptarë nga Maqedonia e Veriut, Mali i Zi, Presheva, Bujanovci dhe Medvegja, aplikimi në programin “Bachelor në Film dhe Media” me profil Regji, ose Skenar, ose Kamera, ose Montazh

Kandidatët të paraqesin në sekretarinë e AFMM-së, dokumentat si më poshtë nga data 2 deri me 13 Shtator 2025 :

Formular aplikimi (për t’u plotësuar në sekretarinë)
Dokumenti i lëshuar nga Qendra e Shërbimeve Arsimore që vërteton se diploma e arsimit të mesëm është njohur, të shoqëruar me fotokopjen e diplomës/dëftesës dhe listës së notave.
Fotokopja e dokumentit të identifikimit
dy fotografi.

Në bazë të dokumentacionit i depozituar, kandidatët do të thirren në Konkursin e pranimit të datës 16 Shtator 2025.

Për procedurën e njësimit të Diplomës së Shkollës së mesme, sipas informacionin e publikuar nga Qendra e Shërbimeve Arsimore në Shqipëri, dhe formulari aplikimi.

Për më shumë informacion paraqituni pranë Akademisë Marubi (Adresa: Rr. Aleksandër Moisiu, Nr.78, Kinostudio, në krah të Qendrës Kombëtare të Kinematografisë) çdo ditë 08:30-15:30. Ose n’a kontaktoni përmes emaili info@afmm.edu.al, dhe rrjetet social Instagram dhe Facebook.

Për kandidatët për program të dytë studimi

Për kandidatët që aplikojnë për program të dytë studimi në programin “Bachelor në Film dhe Media” me profil Regji, ose Skenar, ose Kamera, ose Montazh

Kandidatët të paraqesin në sekretarinë e AFMM-së, dokumentat si më poshtë nga data 1 deri me 12 Shtator 2025:

formular aplikimi drejtuar AFMM-së për programin e studimit në të cilin aplikon (sipas formatit e ministrisë);
deklaratën sipas formatit e ministrisë;
Kopje e noterizuar e diplomës së studimeve universitare të kryera më parë, të shoqëruar me suplementin e diplomës;
Fotokopje e noterizuar të dëftesës së pjekurisë të shkollës së mesme (kandidati që ka përfunduar shkollën e mesme në Republikën e Shqipërisë përpara vitit 2011). Në mungesë të diplomës së Maturës Shtetërore apo dëftesës së pjekurisë së shkollës së mesme, duhet të paraqesë dublikatë të dëftesës së pjekurisë të lëshuar nga drejtoria e shkollës së mesme dhe të vërtetuar në DRAP/ZVAP përkatëse, ose listën e notave të shkollës së mesme të lëshuar nga Arkivi i Shtetit;
Fotokopje të dokumentit të identifikimit (kartë identiteti ose pasaportë);
Dy fotografi personale.

Komisioni i ngritur për aplikimin e kandidatëve në program të dytë shqyrton dosjen dhe organizon konkursin e pranimit brenda datës 23 Shtator 2025.

Për më shumë informacion paraqituni pranë Akademisë Marubi (Adresa: Rr. Aleksandër Moisiu, Nr.78, Kinostudio, në krah të godinës qendrore të Kinostudios) çdo ditë 08:30-15:30. Ose n’a kontaktoni përmes emaili info@afmm.edu.al, dhe rrjetet social Instagram dhe Facebook.

Prej vitit 2016, nga Ministria e Arsimit e Shqipërisë aplikohet një procedurë e re për aplikim në Institucionet e Arsimit të Lartë. Ju lutemi për procedurën e plotë referojuni faqeve zyrtare të internetit http://qsha.gov.al/ – http://www.arsimi.gov.al/ dhe https://ualbania.al/

Kandidatët duhet të plotësojnë formularët A1/A1Z në sekretarinë e shkollës së mesme ose në Drejtorinë Arsimore Rajonale, të cilat do të vendosin notën mesatare në sistemin online.

Nota mesatare do të llogaritet sipas Vendimit të Këshillit të Ministrave të Republikës së Shqipërisë.

Kandidatët që aplikojnë për t'u pranuar në programet e Studimit në fushën e Artit, si dhe kandidatët me origjinë Shqiptare nga Republika e Kosovës, Maqedonia e Veriut, Mali i Zi, Presheva, Medveja dhe Bujanovci janë të përjashtuar nga detyrimi për të përmbushur kriterin e notës mesatare.