Akademia e Filmit dhe Multimedias “MARUBI” ofron kualifikim dhe arsim profesional, krijues, artistik dhe teknik, për ata që aspirojnë të përfshihen në Industrinë e Filmit dhe Televizionit.
Metodologjia e AFMM bazohet në traditat më të mira evropiane dhe amerikane të mësimdhënies. Bashkëpunimi me shkollat evropiane dhe të Amerikës së Veriut, dhe pjesëmarrja e profesionistëve dhe personaliteteve nga e gjithë bota në strukturën tonë pedagogjike, lehtëson njohjen e Kurrikulave dhe Diplomave tona në vendet perëndimore.
Stafi akademik përbëhet nga ekspertë audiovizualë, si ekspertë të kinemasë, medias, shtypit, televizionit, specialistë të arteve figurative, specialistë dhe historianë të artit dhe kulturës, ekspertë të huaj nga shkolla homologe të fushave apo Artit dhe Kinemasë.
